Tuesday, October 11, 2011

Ano na nga ba talaga? by cris villanueva

      Bata pa lamang ay ipinagkasundo na ng kanilang mga magulang sila Adam at Lori. At dahil mula noon ay alam na nang dalawa ang kanilang mga kapalaran, nabuo na sa kanilang mga isipan ang katotohanan na pag dating nila ng edad na 21 ay sila'y magkakasama na pang habang buhay. Hindi na sila nagkaroon ng pagkakataon upang tumanggi sapagkat lahat at tila nakahanda na para sa kanila.
     Sa tuwing mag isa'y naiisip ni Lori kung ano ang magigin buhay na pag siya ay kinasal na kay Adam. naiisip din niya kung ano kaya ang kaniyang magiging itchura sa araw ng kanilang kasal. Para sa kaniya'y ayos lang naman mapangasawa si Adam sapagkat mabait naman ito, matalino, gwapo at matipuno. Swerte na rin siya kung iisipin. Isa pa, mula pagkabata'y makasama na sila at komprtable naman sila mula sa isa't-isa.
     Kung si Lori ay ayos lang sa kasunduan ng kanilang mga magulang, si Adam naman ay tila walang pakiealam. hindi siya tumututol ngunit di rin naman siya sumasangaayon. Para sa kaniya, wala rin namang punto kung siyay sasang-ayon o hindi, nakatanim na sa kaniyang isipan na ang kaniyang buhay ay naiplano na ng kaniyang mga magulang. Mula pagkabata ay tila nakalista na ang mga pangyayaring magaganap sa kaniyang buhay. Pagkapanganak ay ipinagkasundo na kay Lori, siya'y mag-aaral sa isang pribadong paaralan para sa mga lalake lamang. mag-aaral sa estados unidos ng kolehiyo, pagbalik sa Pilipinas ay magpapakasal kay Lori at pagkatapos noon ay siya na ang magpapatakbo ng kumpanyang pag-aari ng kaniyang ama at ng ama ni Lori.
      Ngunit lahat ng ito ay nagbago nang siya'y mag-aral sa estados unidos. Dito'y naranasan niyang mabuhay sa mundong lahat ng tao'y moderno, lahat ay nasasabe at nagagawa ang kung ano man ang kanilang gustong naiisin. Dito rin sa unang pagkakataon naramdaman niya ang tunay na kalayaan, malayo sa mga tradisyon at buhay na plinano na para sa kaniya. At dito rin ay kaniyang nakilala si Anthony, ang taong nagmulat sa kaniya sa mundong hindi niya alam. Pinasaya ni Anthony si Adam at hindi nagtagal ay nahulog ang loob ni Adam kay Anthony. Hindi nagtagal sila'y nagsama na at namuhay ng malaya sa Estados Unidos.
       Dumating na ang panahon na nakapagtapos na ng kolehiyo si Adam, napakasaya niya sapagkat gusto na niyang maranasang kumita ng sariling pera. Ngunit kasabay ng kasiyahang ito, ang pag gising niya sa realidad na kinakailangan na niyang bumalik sa Pilipinas at magpakasal kay Lori. Hindi malaman ni Adam kung ano pano niya sasabihin sa kaniyang pamilya ang katotohanang hindi na niya magagawang pakasalan si Lori. Sinabe ni Adam kay Anthony ang kaniyang problema at iminungkahi nito na wag na siyang bumalik sa Pilipinas at sa halip ay sila na lamang ang magpakasal sapagkat sila naman ay tunay na nagmamahalan. Pinag-isipang mabuti ni Adam kung ano ang kaniyang gagawin, tila gusto na niyang sundin ang sinasabe ni Anthony ngunit hindi niya masikmura ang dismayang mararamdaman ng kaniyang pamilya at ni Lori. Dahil dito bumalik siya ng Pilipinas nang hindi nalalaman ni Anthony. Paglapag niya sa NAIA agad niyang tinawagan si Anthony upang magpaliwanag, ngunit tila nasaktan si Anthony sa ginawang ito ni Adam kaya't nagdesisyon itong hindi na sagutin pang muli ang mga susunod na tawag ni Adam. Siya ay sinalubong ng kaniyang mga magulang at ni Lori. Wala na siyang magawa kundi talikuran ang Estados Unidos pati na rin ang minamahal niyang si Anthony. Sa unang gabi niya mula sa Pilipinas, siyay hindi makatulog at tila hindi niya maalis sa kaniyang isipan si Anthony. Tinawagan niyang muli ito at napakasaya niya ng ito'y sumagot. Sa kanilang pag-uusap kaniyang sinabe na siyay magbabalik sa Estados Unidos at nangako ito na silay magpapakasal doon. Ngunit kinabukasan, nagulat siya sa surpresang inihanda sa kaniya ng kaniyang mga kaibiga, pamilya at ni Lori. Hindi niya maitanggi sa sarili na kahit papano'y siya'y nanghihinayang kay Lori. Kinagabihan nakapag-usap ng masinsinan si Lori at Adam,  ngunit imbis na sabihin ang katotohanan kay Lori napag-usapan nila ang mga pangyayari habang sila'y malayo sa isa't isa. napagusapan nila ang nalalapit nilang kasal. Hindi maitago ni Adam ang sayang kaniyang nadama ng makasama niyang muli si Lori. Kinagabihan hindi niya sinagot ang mga tawag ni Anthony. Napagdesisyunan niya na mas mabuti kung ituloy na lamang niya ang kapalarang nakatanda sa kaniya. Gustuhin man niyang makaalis sa tradisyunal na pamumuhay' hindi niya kayang sikmurain ang mga sasabihin sa kaniya ng kaniyang pamilya at ang sakit na kaniyang maidudulot sa kanila lalong lalo na kay Lori. Hindi niya kayang marinig pa ang boses ni Anthony kaya't sumulat nalamang siya ng e-mail para dito, humihingi ng patawad sa kaniyang nagawa at sinasabing kung legal lang sana sa Pilipinas ang gay marriege ay kaniyang ipaglalaban ito ngunit hanggat ang bansa ay naninirahan pa rin sa kumbensyon at tradisyon, wala siyang magagawa kundi sumunod dito.

No comments:

Post a Comment